अन्नपूर्णाताईंची उमेदवारी ठरेल विकासाचा नवा संवाद!"

 "बंजारा समाजाचा विश्वास अन् जनतेचा आशीर्वाद…

मेहकर: गजानन सरकटे 

थंडी वाढतेय… आणि त्याहून वेगात राजकीय वातावरण तापतेय! सर्कलमध्ये सुरू आहे चर्चांचा महाभडाका!

नगरपरिषद व नगरपंचायत निवडणूक कार्यक्रम जाहीर झाल्याने राजकीय हालचाली वेग घेत असून, आता सर्वांचे लक्ष जिल्हा परिषद आणि पंचायत समिती निवडणुकीकडे वळले आहे. या पार्श्वभूमीवर सध्या संपूर्ण सर्कलमध्ये एकाच नावाची चर्चा जोरात सुरू आहे — “सौ. अन्नपूर्णा भगवान जाधव यांनाच तिकीट मिळाले पाहिजे!”

सौ. अन्नपूर्णा जाधव यांच्या उमेदवारीला जनतेकडून अपेक्षेपेक्षा अधिक उत्स्फूर्त प्रतिसाद मिळत आहे. त्यांनी केलेल्या सखोल चाचपणीसह मोर्चेबांधणीमुळे समाजातील पुढारी, ज्येष्ठ कार्यकर्ते तसेच विविध राजकीय नेत्यांचा त्यांना प्रचंड पाठिंबा मिळत आहे. सक्षम, प्रामाणिक आणि विकासाभिमुख नेतृत्व या सर्कलला आवश्यक असल्याचा जनतेचा ठाम विश्वास असून, त्या निकषांना अन्नपूर्णाताई उत्तम प्रकारे पात्र ठरत असल्याचे मतदार मांडत आहेत.

देऊळगाव साखरशा सर्कल हा सर्वसाधारण महिला राखीव असल्याने मजबूत महिला नेतृत्वाची मागणी वाढली आहे. राठोड घराण्याची लेक आणि जाधव घरची सुन असलेल्या अन्नपूर्णा जाधव या शांत, संयमी, कार्यक्षम आणि समाजकार्यात सक्रिय अशा महिला म्हणून त्यांची ओळख सर्वत्र आहे.

सर्कलमध्ये बंजारा समाजाचा प्रभावी मतदार वर्ग आहे आणि विशेष म्हणजे सौ. अन्नपूर्णा जाधव या स्वतःही बंजारा समाजातून येतात. त्यामुळे त्यांचा मतदारांवर अधिक दृढ प्रभाव असून, मोठा मतदानाधार त्यांच्यापाशी स्वाभाविकपणे तयार झाला आहे. शिवसेना (शिंदे गट) कडून त्यांची उमेदवारी ‘जवळपास निश्चित’ असल्याच्या चर्चांना वेग आला असून, त्या सर्वाधिक मजबूत उमेदवार म्हणून समोर येत आहेत. पक्षकार्यकर्त्यांमध्येही या नावावर मोठा उत्साह दिसून येतो.

सर्कलमधील जवळपास सर्व गावांत अन्नपूर्णा जाधव यांच्या नावाची व्यापक चर्चा सुरू आहे. गावोगावी होणाऱ्या बैठकींमध्ये त्यांच्या समर्थनार्थ मोठी उपस्थिती दिसते. “अन्नपूर्णाताई म्हणजे सेवाभाव, विकास आणि प्रामाणिकपणाचं प्रतीक आहेत,” अशी ओळख सामान्य मतदार देत आहेत. त्यांच्या साधेपणाने आणि जमिनीवरच्या स्वभावामुळे त्यांनी सर्वच घटकांशी संवादाचे नाते जपले आहे.

सक्षम आणि विजयी उमेदवार म्हणून त्यांच्याकडे पाहिले जात असून, “त्या नक्कीच विजय मिळवतील,” असा ठाम निर्धार सध्या मतदारांमध्ये दिसून येत आहे. निवडणूक प्रक्रियेची चाहूल लागताच त्यांनी स्वतःही तयारी सुरू केली असून, कार्यकर्त्यांसोबत धोरणात्मक चर्चांना वेग आला आहे.

या सर्व घडामोडींमुळे देऊळगाव साखरशा जिल्हा परिषद सर्कलमध्ये अन्नपूर्णा जाधव यांची उमेदवारी सर्वाधिक प्रभावी ठरत आहे. त्यांच्या नेतृत्वात सर्कलच्या विकासाचा नवा अध्याय सुरू होईल, असा दृढ विश्वास मतदारराजाच्या मनात निर्माण झाला आहे.