प्रशांत गोळे यांची राष्ट्रवादी युवक काँग्रेसच्या प्रदेश उपाध्यक्षपदी फेरनिवड

कौन कहता है बोल बाला है झूट का..! नियुक्तीनंतर चहात्यांच्या प्रतिक्रिया

वाशिम:-आपल्या संघटन कौशल्याच्या बळावर युवकांच्या गळ्यातील ताईत असलेले उच्चशिक्षित जनसामान्यांच्या विविध प्रश्न सोडविण्यासाठी  अग्रेसर असणारे प्रा. प्रशांत सुधीर गोळे पाटील यांची  प्रदेशाध्यक्ष सुनील तटकरे यांच्या आदेशाने राष्ट्रवादी युवक काँग्रेसच्या प्रदेश उपाध्यक्षपदी फेर निवड करण्यात आली आहे. यावेळी युवक काँग्रेसचे राष्ट्रीय अध्यक्ष धीरज शर्मा, प्रदेशाध्यक्ष सुरज चव्हाण यांच्या उपस्थितीत नियुक्तीपत्र देऊन निवड करण्यात आली आहे.  यावेळी वाशिम जिल्ह्याचे जिल्हाध्यक्ष हाजी मो. युसुफ शेठ पुंजानी, कारंजा नगरीचे माजी नगराध्यक्ष दत्तरावजी डहाके, महिला जिल्हाध्यक्ष माधवीताई झनक, विद्यार्थी जिल्हाध्यक्ष आकाश शिंदे, यांची उपस्थिती होती.

मागील काही महिन्यापूर्वी प्रशांत गोळे यांची राष्ट्रवादी युवक काँग्रेसच्या प्रदेश उपाध्यक्ष पदावरून अचानक बडतर्फी करण्यात आली होती यामुळे त्यांच्या चाहत्यांना एण लोकसभा निवडणुकीच्या तोंडावर एक धक्काच बसला होता.

जिल्ह्यातील काही व्यक्तींनी पक्षांच्या वरिष्ठाकडे चुकीची माहिती देऊन प्रशांत गोळे पाटील यांच्या विरोधात तक्रार केली होती आणि तत्काळ त्यांना बडतर्फ करण्याची मागणी देखील केली होती. यामुळे काही दिवसाकरिता प्रशांत गोळे यांना आपल्या पदावरून पायउतार व्हावे लागले होते. परंतु सत्य परिस्थिती काय हे पक्षश्रेष्ठीच्या लक्षात येताच त्यांनी तात्काळ प्रशांत गोळे यांना पुनश्च त्या पदावर फेरनिवड केली आहे. त्यामुळे प्रशांत गोळे पाटील यांचे सर्वच स्तरावरून अभिनंदन होत आहे. प्रशांत गोळे यांनी राष्ट्रवादी काँग्रेसमध्ये प्रवेश केल्यानंतर रिसोड मतदार संघात राष्ट्रवादी काँग्रेस ही मजबुतीकरण करण्याचे जोरदार प्रयत्न केले. आणि याला मोठ्या प्रमाणात यश देखील प्राप्त झाले हीच बाब विरोधकांच्या पचनी न पडणारी होती. म्हणूनच काही लोकांना हाताशी धरून चुकीची माहिती पक्षाला देऊन त्यांची बडतर्फी करण्यात आली होती असे जाणकार आपले मत व्यक्त करताना दिसत आहेत. परंतु बडतर्फे झाल्यानंतर प्रशांत गोळे यांच्याकडून विरोधकांवर कोणत्याच प्रकारची टीकाटिपणी न केली ही बाब अत्यंत प्रेरणादायीच होती.

प्रा.प्रशांत गोळे यांची राष्ट्रवादी युवक प्रदेश उपाध्यक्षपदी फेर निवड करण्यात आली आहे. मुंबईत त्यांना नियुक्तीपत्र  युवक प्रदेशाध्यक्ष सुरज चव्हाण यांनी प्रदेशाध्यक्ष  सुनील तटकरे साहेब यांच्या मान्यतेने दिले. प्रा. प्रशांत गोळे हे माजी जिल्हा परिषद सभापती सुधीर पाटील गोळे यांचे चिरंजीव आहेत. याआधी त्यांच्या वडिलांनी तालुक्यासह जिल्ह्यामध्ये विविध पदे जसे की अध्यक्ष संजय गांधी निराधार समिती,बालाजी सहकारी पार्टिकल बोर्ड संचालक, सभापती जिल्हा परिषद, सदस्य ग्रामपंचायत इत्यादी पद्य भूषवले. त्यांचा राजकीय सामाजिक वारसा घेऊन अल्पावधीतच गेल्या सात ते  आठ वर्षांमध्ये समाजकारणासह राजकारणामध्ये उत्तुंग भरारी घेतली. 

लोकसभा निवडणुकीपूर्वी देखील राष्ट्रवादी काँग्रेस रिसोड मतदार संघात वाढविण्यासाठी त्यांनी मोठ्या प्रमाणात विविध उपक्रम राबविले आहेत. परंतु ही बाब विरोधकांच्या पचनी न पडणारी असल्याने त्यांच्या बाबतीत चुकीची माहिती पक्षाकडे पोचून त्यांना पदावरून बडतर्फ व्हावे लागले होते. परंतु सत्य परिस्थिती ही पक्षश्रेष्ठीच्या लक्षात येतात त्यांची पुनच्छ एक वेळ प्रदेश उपाध्यक्षपदी नियुक्ती करण्यात आली आहे. यावेळी 

 प्रा.प्रशांत गोळे म्हणाले राष्ट्रीय अध्यक्ष तथा राज्याचे उपमुख्यमंत्री अजित दादा पवार यांच्या विचारानुसार पुढील काळात राष्ट्रवादी काँग्रेसच्या माध्यमातून पक्ष संघटना मजबुतीने उभी करण्यास हातभार प्रामाणिकपणे करीत आहे आणि ते करत राहणार अपेक्षा त्यांनी व्यक्त केली.माझ्यावर उपमुख्यमंत्री अजितदादा पवार, तथा पार्थ दादा पवार आणि सुरज भाऊ चव्हाण , युसूफ सेठ पुंजानी  व तसेच  महाराष्ट्रात सह जिल्ह्यातील सर्व वरिष्ठांनी ही मोठी जबाबदारी टाकली. पक्षाने दिलेल्या जबाबदारीला योग्य न्याय देताना अजित दादांनी टाकलेल्या विश्वासाला सार्थ ठरवून अजितदादा च्या विचाराचा आमदार रिसोड - मालेगाव मतदार संघात आणण्यासाठी जीवाचे रानकरू ही इच्छा देखील व्यक्त केली.